KCYM ELINJIPRA

ജ്വലിക്കുന്ന യുവത്വം സാമൂഹ്യ നവോത്ഥാനത്തിന്

KCYM
St.Francis Assisi Church Elinjipra

                        WELCOME TO KCYM ELINJIPRA..


"ലോകത്തിന്റെ വ്യാപ്തി എലാം ഉൾക്കൊള്ളാൻ നിങ്ങളുടെ ഹൃദയം മലർക്കെ തുറന്നിടുക; നിങ്ങളുടെ ജീവിതത്തിലെ നവോന്മേഷമെലാം അവളുടെ സേവനത്തിനായി സമർപ്പിക്കുക; സ്വാർത്ഥതയ്ക്കെതിരെ സന്ധിയിലാസമരം പ്രഖ്യാപിക്കുക . അങ്ങനെ നിങ്ങളുടെ മുൻതലമുറക്കാർ രൂപം കൊടുത്തതിലും മെച്ചപ്പെട്ട  ഒരു ലോകത്തെ ഉത്സാഹപൂർവ്വം  കെട്ടിപ്പടുക്കുക" 

യുവജനങ്ങൾക്ക്‌ രണ്ടാം വത്തിക്കാൻ കൌണ്‍സിൽ നല്കിയ സന്ദേശമാണിത്. ഈ ആഹ്വാന പ്രകാരം കേരളത്തിൽ രൂപംകൊണ്ട  കേരള കത്തോലിക്ക സഭയുടെ ഔദ്യോഗിക യുവജനപ്രസ്ഥാനമായ,  

കെ.സി.വൈ.എം എലിഞ്ഞിപ്ര ഇടവകയുടെ  വിവിധ കർമ്മമണ്ഡലങ്ങളിൽ സാന്നിധ്യം അറിയിക്കുവാൻ തുടങ്ങിയിട്ട് 30 വർഷമായിരിക്കുന്നു. 1985 മാർച്ച് 31 ന് യുവജനങ്ങൾ കൊളുത്തിയ തിരിനാളം ജ്വലിക്കുന്ന യുവചേതനയായി  പുതിയ തലമുറയ്ക്ക് കൈമാറിയപ്പോൾ ഇടവകയുടെ നവോത്ഥാനരംഗത്ത് പുത്തൻ ചരിത്രം രചിക്കുകയായിരുന്നു.   


മനുഷ്യ ജീവിതത്തിലെ ഏറ്റവും അനുഗ്രഹീതമായ കാലഘട്ടമാണ്  യുവത്വം. തീവ്രമായ സ്വപ്നങ്ങൾ ഉണ്ടായിരിക്കുകയും അവയുടെ സാക്ഷത്കാരതിനുവേണ്ടി  സ്വയം മറന്നു അദ്ധ്വാനിക്കുകയും ചെയ്യുന്ന യുവജനങ്ങളാണ്‌ ഏത് സമൂഹത്തിലും പരിവർത്തനത്തിനും പുരോഗതിക്കും കാരണമാകുന്നത്.  കാലഘട്ടത്തിന്റെ ഹൃദയമിടിപ്പികൾ സ്വന്തമാക്കി കരുത്തോടെ സമൂഹത്തിനു വേണ്ടി  സേവനം ചെയ്യുവാൻ യുവജനങ്ങൾക്കാകുമെന്ന തിരിച്ചറിവാണ് ഞങ്ങളുടെ ശക്തി..


  K.C.Y.M. HISTORY 

രണ്ടാം വത്തിക്കാൻ കൌണ്‍സിലിന്റെ  ആഹ്വാന പ്രകാരം കേരളത്തിൽ യുവജനകൂട്ടയ്മ  വളർത്താൻ കെ.സി.ബി.സി. തീരുമാനിച്ചു . നിരവധി ആലോചനയുടെ ഫലമായി 1978 ഡിസംബർ മാസത്തില മാന്നാനത്തു ചേർന്ന സംസ്ഥാനയുവജന പ്രതിനിധി സമ്മേളനം രൂപത പ്രസ്ഥാനങ്ങളുടെ  ഫെഡറേഷനായി  കേരള കാത്തലിക് യൂത്ത് മൂവ്മെന്റ്  ( കെ.സി.വൈ.എം. ) രൂപികരിക്കുകയും പ്രഥമ ഭരണ സമിതിയെ തെരഞ്ഞെടുക്കുകയും ചെയ്തു.

അതും കഴിഞ്ഞ് വർഷങ്ങൾക്കു ശേഷമാണ്  ഇരിഞ്ഞാലക്കുട രൂപതയിൽ കെ.സി.വൈ. എം. നിലവിൽ വരുന്നത്. 1985 ജനുവരി 15 തിയ്യതി യുവജന പ്രസ്ഥാനം  ആരംഭിക്കുനതിനുള്ള ചുമതല ഫാ. ജോസ്  പന്തലൂകാരനെ ഏല്പ്പിച്ചു കൊണ്ട്  അഭിവന്ദ്യ പിതാവ് മാർ ജെയിംസ് പഴയാറ്റിൽ ഒരു ആഡ്ഹോക്  കമ്മിറ്റിയെ നിയമിച്ചു. ഫാ. ജോസ് പന്തലൂകാരൻ, പി.എൽ ആന്റണി കെ.സി പോൾസണ്‍, റപ്പായി മാസ്റ്റർ തുടങ്ങിയവർ കൂടി ചേർന്ന് യുവജനപ്രസ്ഥാനത്തിന് രൂപവും ഭാവവും കൊടുത്തു. പ്രസ്ഥാനത്തിന് സി.വൈ.എം എന്ന പേര് നല്കി. ദിവസങ്ങളോളം ഇരുന്നു ആലോചിച്ചു, ചർച്ച ചെയ്തു അതിനു അനുയോജ്യമായ  നിയമാവലിയും ഉണ്ടാക്കി പിതാവിന്റെ സമ്മതത്തിനായി സമർപ്പിച്ചു.പ്രസ്ഥാനത്തിന്റെ പേരിനും നിയമാവലിക്കും പിതാവ് അംഗീകാരം  നൽകി. പിന്നീട് ഇടവകകളിൽ സി.വൈ.എം. രൂപപ്പെടുത്തുന്നതിനുള്ള  പരിശ്രമമായി. ആദ്യത്തെ ചെയർമാനായി പി.എൽ  ആന്റണിയെ തെരഞ്ഞെടുത്തു. സെക്രട്ടറിയായി കെ.സി പോൾസനെ നിയമിച്ചു. പ്രവർത്തനങ്ങൾ ശക്തമായി മുന്നോട്ടു കൊണ്ടുപോയി. 1985 മാർച്ച് 31 തിയ്യതി, ആ വർഷത്തെ ഓശാന ഞായറാഴ്ച ഉച്ചകഴിഞ്ഞ് 2.30ന് ഇരിഞ്ഞാലക്കുട വിദ്യാജ്യോതി ഹാളിൽ വച്ച് മാർ ജെയിംസ് പഴയാറ്റിൽ, ഇരിഞ്ഞാലക്കുട രൂപത കെ.സി.വൈ.എം. ഔദ്യോഗികമായി ഉദ്ഘാടനം ചെയ്തു.
1
KCYM ANTHEM
0:00/1:30
Facebook